Урад Квебека аб’явіў, што першая група прыватных домаў даўгатрывалага дагляду за пажылымі людзьмі (CHSLD) атрымае дзяржаўнае фінансаванне з мэтай палепшання якасці абслугоўвання ў гэтых установах.
Працэс атрымання датакаванняў ужо завяршылі пяць прыватных установ, якія знаходзяцца ў раёне Вялікага Монрэаля і Усходніх вобласцяў. Соня Беланже, міністр правінцыі, адказны за ахову здароўя і дагляд за пажылымі людзьмі, паведаміла на прэс-канферэнцыі, што такі крок дазволіць павысіць стандарты дагляду за пажылымі людзьмі ў прыватных установах.
«Мы робім гэта для тых, хто постаянна жыве ў гэтых домах, каб забяспечыць аднолькавы ўзровень паслуг у гэтых установах і пазбегнуць камунікацыйных і фінансавых праблем, якія негатыўна ўплываюць на якасць абслугоўвання людзей», — заявіла міністр.
Гэты праект з’яўляецца часткай абяцання ўраду нацыяналізаваць усе прыватныя CHSLD у правінцыі да 2025 года. У ўрадзе спадзяюцца, што такі крок прадастаўіць лепшыя магчымасці для найма персаналу для CHSLD, а таксама ўтрымаць яго на працоўных месцах, так як умовы працы для супрацоўнікаў прыватных устаноў будуць такімі ж, як у дзяржаўным сектары. Усё гэта разам забяспечыць арганізацыйную стабільнасць такіх устаноў.
Гэтая ініцыятыва паўстала пасля рэкамендацый каронера правінцыі, выпушчаных у мінулым годзе пасля месяцаў разгляду смерці ў прыватных домах даўгатрывалога дагляду за пажылымі людзьмі, дзе ў вясной 2020 года пандэмія забрала жыццё болей за 5 тысяч чалавек.
Крыніца: CBC News
#навiны #навiныманрэаль #навiныбiзнэсвiзiтка #навіныпабеларуску
